Ըստ ակնաբույժների՝ մենք ամեն օր լուրջ վնաս ենք հասցնում մեր սեփական աչքերին: Եվ չենք մտածում դրա մասին:
Մենք խոսեցինք LensCrafters ընկերությունում օպտոմետրիայի դոկտոր Ուեսլի Համադայի հետ: Նա բացատրեց, թե ինչու է հարկավոր պարբերաբար այցելել ակնաբույժի, նույնիսկ եթե նորմալ տեսողություն ունեք, և որ սովորություններն են վնասակար մեր աչքերի համար:
Սովորություն №1. անընդհատ նայել էկրանին
Այս խնդիրը արդիական է շատ մարդկանց համար՝ բոլոր նրանց, ովքեր ամեն օր աշխատում են համակարգչի մոտ ժամը 8:00-ից մինչև17:00, հեռուստացույց են դիտում, երկար ժամանակ օգտագործում են սմարթֆոն կամ էլեկտրոնային գրքեր են կարդում:
«Մեր աչքերը խոնավացման կարիք ունեն: Ահա թե ինչու մենք պարբերաբար թարթում ենք աչքերը: Այնուամենայնիվ, երբ մարդն ինչ-որ բանի ուշադիր նայում է, թարթելու հաճախականությունը սկսում է զգալիորեն նվազել: Արդյունքում, աչքերը արագ հոգնում են, կարմրում ու չորանում: Թարթելու հաճախականությունը նվազեցնելը առաջացնում է արցունքի ավելացված գոլորշիացում և, որպես արդյունք, աչքերի չորացում», - բացատրում է Ուեսլի Համադան:
Օգտագործեք 20/20/20 կանոնը. 20 վայրկյանանոց ընդմիջումներ կատարեք աշխատանքում յուրաքանչյուր 20 րոպեն մեկ, որոնց ընթացքում նայեք ձեզանիղ մոտ 6 մ հեռավորության վրա գտնվող առարկային: Ուշադրության փոխման շնորհիվ տեղի է ունենում հոգեսոմատիկ գերլարվածության կանխարգելում, արտադրողականությունն աճում է: Սա առողջ հանգիստ է ոչ միայն աչքերի, այլև ամբողջ օրգանիզմի համար:
Սովորություն №2՝ օգտագործել անորակ արևային ակնոցներ
Համադան շեշտում է, որ եթե արևային ակնոցները ուլտրամանուշակագույն զտիչներ չունեն, ապա դրանք չեն կարող ձեր աչքերը փրկել ուլտրամանուշակագույն ճառագայթումից, ինչը կարող է խթանել մի շարք վտանգավոր պաթոլոգիաների՝ չոր աչքի համախտանիշից մինչ կատարակտ: Նման օպտիկան բացառապես դեկորատիվ գործառույթ ունի:
Արևային ակնոցներ ընտրելիս համոզվեք, որ դրանք ունակ են պաշտպանել ձեր աչքերը ՈՒՄ-A և ՈՒՄ-B տեսակի ուլտրամանուշակագույն ճառագայթներից: Եվ մի մոռացեք կրել լայնեզր գլխարկ կամ գլխարկ՝ մեծ հովարով:
Ի դեպ, աչքի որոշ կառույցների, օրինակ՝ եղջերաթաղանթի, ոսպնյակի և ցանցաթաղանթի պաշտպանությունը վնասակար ճառագայթներից (արդեն մշտական ռեժիմով) ապահովում են նաև ուլտրամանուշակագույն ֆիլտրով կոնտակտային ոսպնյակները: Դրանք, օրինակ՝ մեկօրյա հիպերգելային53 Biotrue® ONEday ոսպնյակներն են, ոչ միայն ուլտրամանուշակագույն ճառագայթումից51 պաշտպանությամբ, բայց նաև խոնավության պարունակությամբ, ինչպիսին մեր աչքերն ունեն52:
Սովորություն №3՝ ժամկետից երկար կրել կոնտակտային ոսպնյակները և չփոխել կոնտեյները
Մեր աչքի լորձաթաղանթի վրա միլիոնավոր մանրէներ են ապրում: Որքան երկար եք կրում նույն զույգ կոնտակտային ոսպնյակներն, այնքան ավելի շատ միկրոօրգանիզմներ են մնում դրանց մակերեսին, նույնիսկ հատուկ լուծույթով վերամշակումից հետո: Եվ նաև ավելի մեծ է աչքի վարակի զարգացման հավանականությունը: Հենց այդ պատճառով կոնտակտային օպտիկան ունի կրելու սահմանափակ ժամանակահատված:
Ինչ վերաբերում է ոսպնյակների կոնտեյներներին, ապա դրանք պետք է փոխվեն ամեն ամիս: Մեզանից շատերը պահում են կոնտակտային օպտիկան լոգարանում՝ շրջապատված միլիարդավոր բակտերիաներով: Հետևաբար, պարզապես դատարկել օգտագործված լուծույթը բավարար չէ, դուք պետք է լվանաք կոնտեյները ոսպնյակների համար լուծույթի թարմ բաժնեչափով: Դա արեք առավոտյան, որպեսզի կոնտեյները կարողանա ամբողջությամբ չորանալ մինչև երեկո։ Եվ մի թողեք այն բաց դարակի վրա, ավելի լավ է պահեք այն դեղերի համար սերտորեն փակվող դարակում:
Սովորություն №4. Օգտագործել քիչ վիտամիններ, որոնք անհրաժեշտ են աչքերի առողջության համար
Այն ամենը, ինչ մուտք է գործում մեր օրգանիզմ, անխուսափելիորեն ազդում է աչքերի վիճակի վրա: Ծխելը, օրինակ, առաջացնում է ոսպնյակի պղտորվածություն, իսկ հավասարակշռված սնունդը ընդհակառակը՝ նպաստում է տեսողության ամրապնդմանը: Ինչպես նշում է Համադան, սխալ սննդակարգը, որը մեծացնում է այնպիսի պաթոլոգիաների զարգացման վտանգը, ինչպիսիք են հիպերտոնիան, շաքարախտը և արյան մեջ խոլեստերինի բարձր մակարդակը, կործանարար կլինի նաև աչքերի համար:
Տեսողությունը պահպանելու համար հարստացրեք ձեր սննդակարգը վիտամիններով և հանքանյութերով: Ընդունեք վիտամինային համալիրներ, որոնք պարունակում են A, C, E և B12 վիտամիններ, որոնք օգնում են ոչնչացնել ազատ ռադիկալները և բարելավել ցանցաթաղանթի գործառույթը: Ձկան յուղը կանխարգելիչ ազդեցություն ունի չոր աչքի համախտանիշի վրա: Լյուտեինը բարենպաստ ազդեցություն է ունենում ցանցաթաղանթի վրա՝ դրանով հարուստ է տերլազարդ կանաչիները:
Սովորություն №5. քնել դիմահարդարումով
Շատերը չեն պատկերացնում, թե որքան վտանգավոր է «դիմահարդարումով գիշերելը»։ Բանն այն է, որ աչքի եղջերաթաղանթի վրա ընկնելու դեպքում ցանկացած կոսմետիկա՝ սևաներկ, ստվերաներկ, հեղուկ գծաներկ, կարող է առաջացնել վարակի զարգացում և նույնիսկ աչքերի մեխանիկական վնասվածք։
Սովորություն №6. Ակնաբույժի չայցելելը
Տարիքի հետ մեր տեսողությունը անխուսափելիորեն վատթարանում է: Ինչպես ասում է դոկտոր Համադան, «մեր աչքերը մնացած օրգանիզմի հետ միասին ծերանում են»: Կարող եք կամ այն բարձիթողի անել, կամ ձեր աչքերը վստահել մասնագետի, ով ձեզ կասի, թե ինչպես պահպանել և նույնիսկ վերականգնել ձեր տեսողությունը:
Շատ պաթոլոգիական պրոցեսներ, ինչպիսիք են կատարակտը կամ չոր աչքի համախտանիշը, կարող են ախտորոշվել շատ վաղ փուլում: Կարևորը`ժամանակին հայտնաբերել պաթոլոգիան: Եվ այդ ժամանակ հնարավորություն կա խուսափել տեսողության նվազումից կամ կյանքի որակի ընդհանուր վատթարացումից:
Նույնիսկ եթե, ձեր կարծիքով, ձեր տեսողությունը խանգարված չէ, ձեզ հարկավոր է առնվազն 6 ամիսը մեկ ստուգում անցնել ակնաբույժի մոտ: Աչքերով կարելի է ախտորոշել արյան անոթների վնասվածքները, ուռուցքները և բորբոքումները`առանց ինվազիվ ընթացակարգերի անհրաժեշտության:
«Ես ոչինչ չունեմ ատամնաբույժների դեմ, բայց եկեք ընդունենք այն փաստը, որ մենք ունենք ավելի քան քսան ատամ, և դրանք ամբողջությամբ կարելի է փոխարինել նորերով: Իսկ աչքերը ընդամենը մեկ զույգ է։ Եվ մենք ոչնչով չենք կարող փոխարինել այս անգին պարգևը՝ տեսողությունը»։
Ուեսլի Համադա
Աղբյուր՝
ԿԱՆ ՀԱԿԱՑՈՒՑՈՒՄՆԵՐ, ՕԳՏԱԳՈՐԾԵԼՈՒՑ ԱՌԱՋ ԽՈՐՀՐԴԱԿՑԵՔ ՄԱՍՆԱԳԵՏԻ ՀԵՏ
