Ավելի ու ավելի շատ մարդիկ են անցնում ակնոցներից ոսպնյակների: Բայց շատերը դեռ կասկածներ ունեն կոնտակտային օպտիկայի վերաբերյալ: Որոշ մարդկանց կանգնեցում են բավականին օբյեկտիվ պատճառներ, օրինակ՝ աչքերի քրոնիկ հիվանդություններ կամ ալերգիա: Մինչ մյուսները հավատում են ասեկոսներին և շահարկումներին:
Այս հոդվածում մենք կբացահայտենք կոնտակտային ոսպնյակների մասին հայտնի առասպելները և կներկայացնենք մի քանի անսովոր փաստեր, որոնք կապված են դրանք կրելու հետ:
1. Դուք կարող եք ոսպնյակներ ընտրել ինքներդ, առանց մասնագետի՝ ԱՌԱՍՊԵԼ է:
Չնայած այն հանգամանքին, որ ոսպնյակները վաճառվում են օպտիկայում առանց դեղատոմսի, ինտերնետում և լինզոմատների մեջ, ոսպնյակների առաջին ընտրությունը պահանջում է մասնագետի պարտադիր այցելություն:
Ապագա ոսպնյակների անհրաժեշտ պարամետրերը որոշելու համար մասնագետը ստուգում է հիվանդի տեսողական սրությունը, ախտորոշում է աչքերը բիոմանրադիտակի միջոցով, որոշում է եղջերաթաղանթի վիճակը և ուղեկցող ակնաբուժական հիվանդությունների առկայությունը:
Ոսպնյակների առաջին փորձարկումը կատարվում է միայն ակնաբույժի հսկողության ներքո: Բժիշկը կրկին հետազոտում է հիվանդի աչքերը՝ համոզվելու համար, որ ոսպնյակները ճիշտ են «նստած» (հարմար են կորությամբ և տրամագծով) և կրելու ժամանակ անհանգստություն չեն առաջացնի:
Մարդը կարո՞ղ է ինքնուրույն իրականացնել վերը նշված բոլոր մանիպուլյացիաները և անսխալ ընտրել ճիշտ ոսպնյակներ: Միանշանակ՝ ոչ:
2. Եթե ոսպնյակներ և ակնոցներ եք գնում, ապա նրանց դիօպտրիաները նույնն են լինելու՝ ԱՌԱՍՊԵԼ:
Ոսպնյակների պարամետրերը կարող են չհամընկնել ակնոցների պարամետրերի հետ, քանի որ կոնտակտային օպտիկները տեղակայված են անմիջապես եղջերաթաղանթի վրա, իսկ ակնոցները՝ քթի կամրջի վրա: Աչքի մակերեսի և ակնոցների ապակու միջև հեռավորությունը նվազեցնում է նրանց «դիօպտրիայի ուժը»:
Այդ առումով ոսպնյակները սկսած -4-ից և ցածր կարճատեսության ժամանակ և + 4 և ավելի բարձր հեռատեսության ժամանակ միշտ լինելու են մի քիչ «ավելի թույլ», քան ակնոցի ոսպնյակները, թեև տեսողության սրությունը դրանք ոչ պակաս են ուղղելու: Որքան բարձր է կարճատեսության կամ հեռատեսության աստիճանը, այնքան ավելի նկատելի է դառնում կոնտակտային ոսպնյակների և ակնոցների ոսպնյակների օպտիկական ուժի տարբերությունը:
3. Կոնտակտային ոսպնյակների բոլոր լուծույթները նույնն են՝ ԱՌԱՍՊԵԼ:
Շատ ժամանակակից ոսպնյակների լուծույթներ ունիվերսալ են: Դա նշանակում է, որ նրանք ոչ միայն մաքրում և ախտահանում են կոնտակտային օպտիկան, այլև խոնավացնում են դրա մակերեսը՝ դարձնելով առավել հարմարավետ աչքերի համար ։ Նման միջոցների հիմքը հեղուկ է, որը նման է քիմիական բաղադրությամբ մարդկային արցունքին: Որպես ախտահանիչ բաղադրիչ օգտագործվում են բիգուանիդային հականեխիչներ։
Ոսպնյակների համար լուծույթները տարբերվում են իրենց քիմիական բաղադրությամբ: Օրինակ՝ ReNu® MPS լուծույթը ստեղծվել է հատուկ զգայուն աչքերի համար և պարունակում է կոնսերվանտների47 ցածր կոնցենտրացիա, իսկ BioTrue® լուծույթում, որպես խոնավեցնող բաղադրիչ օգտագործվում է հիալուրոնաթթու: Այս բնական պոլիմերն ունի յուրահատուկ ունակություն ձգելու և պահպանելու խոնավությունը: Դրա շնորհիվ BioTrue® լուծույթը կանխում է չորության և գրգռության ախտանիշների առաջացումը կոնտակտային ոսպնյակներ կրելու ժամանակ:
4. Ոսպնյակներ կարելի է կրել նշված ժամկետից երկար` ԱՌԱՍՊԵԼ:
Սա ոչ միայն առասպել է, այլ իրական գլխացավանք է ակնաբույժների համար և կոնտակտային ոսպնյակների օգտագործողների համար լուրջ խնդիրների աղբյուր:
Փաստն այն է, որ ոսպնյակի չափազանց կրումը հաճախ պատճառ է դառնում ակնաբուժական բարդությունների զարգացման համար՝ պապիլյար կոնյուկտիվիտ, մակերեսային կետային կերատիտ, եղջերաթաղանթի ինֆիլտրատ և այլն:
Կոնտակտային ոսպնյակների մակերևույթին անխուսափելիորեն կուտակվում են մարդկային արցունքի բաղադրիչները և շրջակա միջավայրից փոշու մասնիկները: Ժամանակի ընթացքում բոլոր այդ աղտոտումները դադարում են ոսպնյակի համար լուծույթով լվացվել՝ դրանք վերածվում են նստվածքների, որոնք գրգռում են եղջերաթաղանթը և հրահրում բորբոքային գործընթացների զարգացումը:
Նաև նստվածքների պատճառով ոսպնյակները դադարում են արտազատել թթվածին: Եղջերաթաղանթը սկսում է զգալ թթվածնային քաղց, այս վիճակը արդեն հիվանդություն է, որը կոչվում է «եղջերաթաղանթի հիպոքսիա»:
Ոսպնյակների նվազեցված գազաթափանցելիությունը հանգեցնում է այնպիսի հիվանդությունների, ինչպիսիք են եղջերաթաղանթի նեովասկուլյարիզացիան (անոթների աճը հետագայում եղջերաթաղանթի մեջ դրանց ներաճմամբ) և «կարմիր աչքի» համախտանիշը: Որպես հետևանք, աչքերը դառնում են կարմիր և բորբոքված, առաջանում է ցավ, ավազի զգացողություն աչքերում:
Նաև ոսպնյակների վրա ժամանակի ընթացքում կուտակվում միկրոօրգանիզմներ, որոնք կարող են առաջացնել վարակ: Ակնհայտ ախտանիշների բացակայությունը երաշխիք չէ, որ պաթոլոգիական գործընթացներ տեղի չեն ունենում: Սովորաբար խնդիրը ձևավորվում է ասիմպտոմատիկ և դառնում է շոշափելի ոչ թե անմիջապես, այլ երբ մարդուն սկսում է հետապնդել անհանգստություն և ցավ:
Հարկ է ավելացնել, որ երբ ժամկետից ավելի երկար կրելու դեպքում ոսպնյակի նյութը դառնում է ավելի առաձգական և հակված վնասվելուն: Նույնիսկ ոսպնյակի միկրովնասվածքներից աչքերը սկսում են ցավալ, չորանալ և քոր գալ:
5. Տեսողությունը ազդում է դպրոցում երեխաների առաջադիմության վրա՝ ՃԻՇՏ Է:
Երեխային, որը վատ է տեսնում, թե ինչ է գրված գրատախտակի վրա, դժվար կլինի սովորել: Սակայն, ի տարբերություն մեծահասակների, երեխաները հաճախ չեն էլ կռահում, որ նրանք տեսնում են այլ կերպ, քան ուրիշները: Նրանց թվում է, որ աղոտ տեսողությունը նորմ է։
Ուստի պատահում է, որ երեխաները չեն բողոքում ծնողներին և ուսուցիչներին անհանգստության մասին ուսման ընթացքում; Իսկ մեծահասակներն էլ իրենց հերթին կարծում են, որ դպրոցականը սխալներով է գրում hենց անուշադրության կամ ծուլության պատճառով։ Բացի այդ, տեսողության հետ կապված խնդիրների պատճառով առաջանում է գերհոգնածություն, ուշադրության կենտրոնացման նվազում և դյուրագրգռություն։
Կարևոր է պարբերաբար ստուգել տեսողության սրությունը երեխաների մոտ և ժամանակին միջոցներ ձեռնարկել հայտնաբերված խախտումների շտկման ուղղությամբ։
6. Ոսպնյակների խնամքը դժվար է՝ ԱՌԱՍՊԵԼ Է:
Պլանային փոխարինման կոնտակտային օպտիկայի խնամքի համար անհրաժեշտ է հատուկ կոնտեյներ և բազմաֆունկցիոնալ լուծույթ։
Երեկոյան ոսպնյակները պետք է հանել, լվանալ և տեղադրել լուծույթի թարմ բաժնեչափով կոնտեյների մեջ, յուրաքանչյուր ոսպնյակն իր բջիջում:
Նախքան առավոտյան ոսպնյակը հագնելը, դուք պետք է անցկացնեք պարզ, բայց կարևոր ծիսակատարություն՝ տեղադրել ոսպնյակը մաքուր ափի մեջ, կաթեցնել վերևից 2-3 կաթիլ լուծույթ և զգուշորեն սրբել ոսպնյակի մակերեսը յուրաքանչյուր կողմից: Այնուհետև պետք է ևս մեկ անգամ լվանաք ոսպնյակը լուծույթով, որից հետո այն կարելի է տեղադրել:
Մեկօրյա ոսպնյակներն ընդհանրապես չեն պահանջում խնամք. ամեն առավոտ դուք նոր զույգ եք հագնում, իսկ երեկոյան պարզապես դեն եք նետում այն։
7. Ոսպնյակներ կրելու ժամանակ, դուք կարող եք անել դիմահարդարում՝ ՃԻՇՏ Է:
Կարևոր է հիշել հետևյալ կանոնները.
- նախ առավոտյան հագեք կոնտակտային օպտիկան, և միայն հետո դիմահարդարվեք.
- երեկոյան նախ հանեք ոսպնյակները և հետո միայն լվացեք դիմահարդարումը:
Կարևոր է նաև օգտագործել բարձրորակ կոսմետիկ միջոցներ և թույլ չտալ, որ դրանք հայտնվեն ոսպնյակների և լորձաթաղանթների վրա:
8. Կոնտակտային ոսպնյակները կարող են անհանգստություն առաջացնել՝ ՃԻՇՏ Է:
Այո, դա հնարավոր է: Սակայն դա չի նշանակում, որ կոնտակտային օպտիկան ձեր համար չէ:
Հնարավոր է, որ հատուկ ոսպնյակների կամ խնամքի լուծույթը ձեզ համար հարմար չէր: Փորձեք գտնել ավելի որակյալ և խնայող լուծույթ, օրինակ՝ BioTrue® հիալուրոնաթթվով, որն ապահովում է ոսպնյակի խոնավացումը մինչև 20 ժամ28:
Զգայուն աչքեր ունեցողներին հաճախ խորհուրդ են տալիս կրել մեկօրյա ոսպնյակներ, որոնք առավել հարմարավետ են և հարմար են օգտագործման համար։
9. Ոսպնյակները կարող են ընկնել ակնախնձորի ետևում՝ ԱՌԱՍՊԵԼ Է:
Դա ֆիզիկապես հնարավոր չէ: Բարակ թաղանթը (կոնյուկտիվան) բաժանում է աչքի հետևի բաժինը կոպերից: Դրա շնորհիվ ոչ ոսպնյակը, ոչ էլ որևէ այլ օտար մարմին չի կարող ընկնել ակնխնձորի հետևում:
Կոնտակտային օպտիկան երբեմն սողում է կոպից ներս՝ այ դա ճիշտ է: Շատ հաճախ, նման իրավիճակներ առաջանում են, երբ ոսպնյակը սխալ է ընտրված, երբ ոսպնյակի բազային կորությունը չի համապատասխանում աչքի պարամետրերին: Դա տեղի է ունենում նաև այն դեպքում, երբ շատ եք շփում ձեր աչքերը:
Դա տհաճ է, բայց ոչ վտանգավոր: Ոսպնյակը կոպի տակից հանելու համար հարկավոր է մի քանի վայրկյան փակել ձեր աչքերը, ապա ինտենսիվորեն թարթել: Կարող եք հատուկ խոնավեցնող կաթիլներ կաթեցնել աչքի մեջ. դրանք կօգնեն օտար մարմնին ավելի արագ դուրս «լողալ»:
10. Երեխաները և տարեցները չպետք է ոսպնյակներ կրեն՝ ԱՌԱՍՊԵԼ Է:
Ըստ ցուցման ոսպնյակները կարող են կրել նաև նորածիններ: Սա անվտանգ է, բայց միշտ պետք է վերահսկվի մասնագետի կողմից: 8-ամյա աշակերտն արդեն կարող է ինքնուրույն օգտագործել կոնտակտային օպտիկա:
Փափուկ կոնտակտային ոսպնյակներ կրելը զգալիորեն դանդաղեցնում է զարգացող կարճատեսությունը, ուստի որքան շուտ երեխան սկսի կրել դրանք, այնքան լավ: Բժիշկների մեծ մասը խորհուրդ է տալիս 10-12 տարեկան հասակում ակնոցներից անցնել ոսպնյակների, քանի որ այս տարիքում երեխաները դառնում են ավելի ուշադիր և պատասխանատու:
Տարեցները նույնպես կարող են ոսպնյակներ կրել: Տարիքային պրեսբիոպիան շտկելու համար մշակվել են հատուկ բազմաֆոկուսային ոսպնյակներ: Նրանք ունեն բազմաթիվ օպտիկական գոտիներ և թույլ են տալիս մարդկանց հավասար լավ տեսնել տարբեր հեռավորությունների վրա:
11. Ոսպնյակները կարող են վարակի պատճառ դառնալ՝ ԱՌԱՍՊԵԼ Է:
Ոսպնյակները ստերիլ են, ուստի անվտանգ են աչքերի համար: Վարակիչ հիվանդությունները պայմանավորված են ոչ թե հենց ոսպնյակների, այլ դրանց նկատմամբ ոչ պատշաճ խնամքով:
Եթե ոսպնյակները ամեն օր մշակվում են հատուկ լուծույթով և պատշաճ կերպով մաքրվում, պարբերաբար փոխարինվում են նորերով և թույլ չի տրվում նրանց շփումը կողմնակի օբյեկտների հետ, ամեն ինչ կարգին կլինի: Կամ օգտագործեք ամենօրյա ոսպնյակներ՝ դրանք նույնիսկ ավելի անվտանգ են, քանի որ խնամք չեն պահանջում:
Չի կարելի ոսպնյակները վերցնել կեղտոտ ձեռքերով. սա ուղղակի ճանապարհ է դեպի վարակի զարգացում:
12. Կան կոնտակտային ոսպնյակներ, որոնցով կարելի է քնել՝ ՃԻՇՏ Է:
Այդպիսի ոսպնյակներ իրոք գոյություն ունեն:
Դրանք տարբերվում են թթվածնային բարձր թափանցելիությամբ: Իոնային սիլիկոնային հիդրոգելի եզակի նյութը, որից պատրաստվում է այդ օպտիկն, օգնում է պահպանել մարդու արցունքի բնական պաշտպանիչ սպիտակուցի ակտիվությունը: Այս ոսպնյակներ կրելը ավելի անվտանգ է, եթե օգտագործում եք Biotrue® լուծույթ. այն պահպանում է արցունքի պաշտպանիչ սպիտակուցները44:
Այնուամենայնիվ, կոնտակտային ոսպնյակների մեջ քնելը խորհուրդ է տրվում միայն ծայրահեղ դեպքերում, քանի որ այսպես աչքերը «չեն շնչում»: Հետևաբար, կարմիր աչքի սուր համախտանիշի զարգացման ռիսկը մեծանում է: Հետևաբար, ավելի լավ է ոսպնյակները հանել գիշերը:
Ինչպես տեսնում եք, կոնտակտային օպտիկական միջոցները դյուրին են օգտագործման համար, արդյունավետ և լիովին անվտանգ աչքերի համար: Կարևոր է այն պատշաճ խնամել և պարբերաբար ստուգում անցնել ակնաբույժի մոտ:
